SOW

营业中

休息中

位于上环嘅 SOW，将东西方风味完美融合，无论系菜式的创意定系味道嘅层次，都令我好有惊喜。Tapas 叫左卖相好靓嘅月见免治鸡肉三食（大阪烧，烧月见，避风塘），冇谂到免治鸡肉可以三种唔同嘅煮法出现咁特别。我特别欣赏避风塘味，脆口嘅蒜酥同辣椒，口感香脆辛辣，好有层次。最令我惊喜系西班牙乳猪，之前去葡萄牙餐厅食过一直念念不忘，估唔到今次仲好食。外皮烤得好酥脆，肉质充满左油脂香气，配上微酸酱汁，但又唔会过于油腻。俄式牛柳鹅肝煲仔饭将东方嘅煲仔饭同西方的牛柳鹅肝结合，创意十足。牛柳又软又嫩，鹅肝汁入口即溶，最重要系佢嘅饭焦竟然系香脆，我真系好欣赏。最近迷上左开心果甜品，食埋朱古力心太软配开心果雪糕简直系完美嘅句号。开心果雪糕口感顺滑，同朱古力的浓郁相得益彰，甜而不腻，实在令人回味无穷。两杯Mocktail Jojo Tea同Pancoya，都好有个性同层次！如果你揾紧一间兼具创意同美味的餐厅，SOW 绝对值得一试。