Smokey Ice (已結業)

喺旺角觅食，我最钟意行去黑布街、白布街，因为𠮶度比较多选择，而且多为本地人创业，餐厅较有特色。今日就拣咗位于白布街嘅Smokey Ice，暂时大厦外墙仲装修紧，但并不影响。铺天盖地的漫画，前卫而时尚。七成熟雪糕牛扒＄88此为餐厅的招牌甜品，造型十足十铁板牛扒，但实为雪糕，的确几可乱真，玩味十足！仲识喷烟，非常吸睛！雪糕绝非平价货，一食就知系movenpick，觉得值回票价呀！好似系肠粉＄58以coconut roll扮肠粉都俾佢谂到，真系好有新意。不过我个人就唔系几钟意啲罐头菠萝，觉得不太夹。紫薯窝夫＄78睇Menu绝对估唔到实物系咁大盆、咁靓㗎 ，超有惊喜！欣赏佢真材实料，窝夫入面都酿咗紫薯，无论配紫薯雪糕定系蜜糖食，都一样咁甜丝丝，值得推荐！炸物拼盘（大） ＄138由于男朋友冇咸野落肚系唔会觉得饱，所以我地都点左小食。拼盘有炸薯条、炸鸡翼、鸡球同迷你辣鱼饼，每款都起码有4、5、6件，仲有三款酱汁任君选择，非常滋味！蓝天之云＄40饮品卖相靓就靓，不过味道比较淡，下次都系试其他。食物设计得非常新颖，好有谂头同创意，而且未到绝对过关，实力兼备，系旺角觅食嘅好选择！