Waffills (已結業)

喺铜锣湾食完，公主话想食甜品！夏日淡淡想食咩好呢？抹菜雪糕又食到厌厌哋，所以揾到依间由外国人主理嘅窝夫专门店！企咗喺门口一阵，睇吓佢舖头部电视机，原来依位外国人师傅都几有料到！好年青已经成为总厨，曾经到好多唔同嘅酒店工作过！原来喺香港开业嘅目的为咗推广真正窝夫文化！因为窝夫起源于比利时！见到有新产品，紧喺叫嚟试吓啦！所以我自私食叫咗《窝夫雪糕批》！听返店员哥哥讲，依个雪糕批外层由窝夫嘅材料做成！中层朱古力，再包住比利时雪糕！依个《窝夫雪糕批》包装都几精致，充满心意！拆开包装后，见到一嚿长方型嘅雪糕批，虽然唔算特别，但都几得意！口感方便，外层比较淋身，雪糕内层就比较硬！因为当中有焦糖饼干，咬落有都会爽爽声咁！味道方便，当然食到朱古力之后，仲有好重嘅香蕉味！唔似香港一般甜品店嘅雪糕球，淡而无味！58 蚊食到真正嘅比利时雪糕，同明厨嘅创新出品！都几合理！