屏山老地方

营业中

休息中

坊间比较出名嘅新派肉饼饭有两间，呢日有缘试到其中嘅呢一间。由于为食猪系芝士怪，谂都唔使谂要试六重芝士肉饼，另外叫多一个是日推介松露芝士牛肝菌肉饼。芒果沙冰($20): 天气太热，要整返杯透心凉嘅饮品。呢个芒果沙冰冻就够冻啦，可惜冰粒非常大，芒果味仲唔多平均。松露芝士牛肝菌煎肉饼饭($58): 肉饼同饭嘅份量正常，菜都唔少。肉饼煎得好香，但说好的松露味欠奉，有点失望。肉饼中间夹咗少少牛肝菌同芝士。肉系半肥瘦，比较油腻，加上芝士令成个肉饼都好腻。六重芝士煎肉饼饭($60): 共有两块肉饼，似乎比较抵食。芝士系边六重就唔太清楚，但份量唔少，而且目测用咗3款唔同嘅芝士，原来肉饼同芝士系几夹嘅。同上面个松露肉饼比，为食猪比较钟意呢一个。但同上面个肉饼一样，肉饼系半肥瘦而且食到粒粒肥肉，加上六重芝士更显油腻。