肉餅哥小炒料理 (已結業)

朋友带路去了一间肉饼饭的食店，超多肉饼口味，好似配咩都得，配咩都有，十分有创意，也很新奇。等了一阵就入得，比想像中快。一坐底就有老火汤送，有红萝卜同冬瓜，个汤都几好饮。叫个小食开胃一下，芥香木耳$22，几大碟，食食下先影相，木耳好脆口，薄身木耳充满蒜香味，有芥末的辣，几惹味。我加$5要可乐，呢度饮品价都算抵，不过饮汽水会好饱，下次都食叫果汁。朋友加$12要西柚汁，最后一支，睇黎果汁都好受欢迎。朋友的足三两花胶肉饼$98，用砂窝上菜，蒸肉饼几夹花胶，够湿润够嫩滑感，份量十足好抵食。花胶超大块，可以大口大口食花胶，感觉好丰贵，而且还有三块，紧系叫朋友俾块我食啦。个汁好够味好浓，令肉饼同花胶更夹，又滑又弹质感丰富，好有创意的肉饼。我就点左 鲜味蟹粉肉饼$98，呢个肉饼选择煎香，的确香口很多，也很搭蟹粉的浓厚味道。蟹膏味唔算好突出，反而有种香味，令肉饼较惹味。肉饼肥瘦平均，弹牙又爽口，不是很厚身，但都做到肉感很丰富，食完有点腻。个饭转成菜饭，要赞个菜饭不油而清爽，几健康。