民泰四七 (已結業)

台风后的晚上，六点几街上行人寥寥可数，民泰街都有唔少食肆，见到这间餐厅装修几有格调，个名都好得意—民泰四七，原来意思好简单，就系民泰街47号，个名感觉咁古式但竟然食西班牙fusion？！前菜点左个芒果柠汁腌吞拿鱼，睇佢细细碟，但色彩好鲜艳，吞拿鱼好新鲜，同芒果出奇地夹，配上牛油果酱一流，非常醒胃。六十五度慢煮黑毛猪仔骨百几蚊黎讲呢份猪仔骨都算唔少，比起平时食嘅ribs, 呢个无咁肥，怕肥肉嘅女士啱晒! 可能慢煮嘅关系，佢瘦得黎肉质都唔会话好韧，仍然有肉汁，唔错唔错波士顿龙虾酿海鲜意大利饭初头望落去，以为唔见左只龙虾，原来成只龙虾都比意大利饭覆盖姐！鲜茄汁的味道好浓郁，包实每一粒饭粒但又唔会太多汁「水嬲嬲」嘅感觉，龙虾都有惊喜，肉质爽口而且份量亦好足！本来见到餐牌有好多得意甜品好想试，但最尾太饱放弃了。