人和月雞煲火鍋店 (已結業)

晚市嘅火锅放题选择好多，由头盘、火锅汤底、和牛、海鲜拣，我哋见到已经有好多嘢食，就拣咗最基本既set A精选牛肉试下。饮品、小食、甜品、酱料都系自取当日有招牌叉烧腩、台式蛋饺、泰式凤爪同凉拌木耳我每样都拎咗少少试下，味道都唔错部份火锅配料都系自助形式，摆放得整齐卫生，食几多拎几多，就唔会浪费食物啦原创酥皮麻辣芝士鸡煲酥皮鸡煲真系第一次听，一场嚟到梗系要试吓呢度嘅招牌菜，酥皮焗到金黄色胀卜卜，店员会帮我哋切开酥皮，然后将入边嘅芝士同酱汁捞匀。味道好似平时嘅麻辣鸡煲加咗芝士咁，酱汁香浓惹味，点埋酥皮食，估唔到又几新奇㖞。椰青香茅青柠汤呢度食完鸡煲唔系加汤打边炉，会换上一个全新嘅火锅汤底，啱啱就食左比较浓味嘅鸡煲，所以汤底就拣咗一个比较清新嘅椰青香茅青柠汤，味道有少少酸都几开胃。套餐包左一个牛肉拼盘，可以一次过食晒牛肉唔同嘅部位，我就最钟意食牛板腱，牛味重，亦都冇太多嘅肥膏。部份嘅火锅配料系用手机落单，我哋叫咗墨鱼滑、蟹子虾滑同韭菜饺，质素都唔错。最后仲自制左一碗芋圆豆花，亦都有唔少配料供应，为呢个晚餐画上完美句号。