嚐喜大不同特式餐廳小廚 (已結業)

经过同事介绍，今日去咗公司附近嘅餐厅食晚餐。人唔多得四个人，我哋嗌左四个𩠌，都已经好够食。叫左同事介绍的三个招牌菜加个菜。菜冇特别话有边个推荐，大家随意叫返自己平时食开嘅就好，我哋是但叫左一个都觉得镬气十足。冰镇咕噜肉 细 ($98)冰镇咕噜肉系整好之后即刻倒啲冰落去，令到佢外脆内软，外冷内热。食得出佢嘅咕噜肉嘅皮同平常咕噜肉有唔同，会比较脆。亦会见到个碗系特别设计，中间隔住左，下面全部都系啱啱啲冰融落嚟的水，咁啲咕噜肉就唔会浸到淋左。白鳝煲仔饭 ($80)白鳝煲上枱果下即刻落豉油，然后等1分钟就食得。煲仔饭最紧要就系饭焦，食到脆脆的饭焦。黄金牛腩呢个𩠌好似唔系menu上面，不过照叫就可以。黄金代表咸蛋黄。呢个𩠌系用咗咸蛋黄做外面去炸牛腩。值得一赞嘅系牛腩炸出嚟，外边果层蛋黄唔会好厚。第一啖食落去唔知点解食到鹅味，之后慢慢阵咸蛋黄味就出咗嚟，再食多啖就食到牛腩味啦。