餃撚店

营业中

休息中

一直有光顾楚撚记集团旗下的食肆，对于在他们的餐厅的用餐体验都印象不错。今次试的这间位于土瓜湾的饺撚店，正正是位于楚撚记土瓜湾店的旧舖位，是一间以饺子为主题的新派饺子料理餐厅。嚟到饺撚店当然要试几款店内独创的创意饺子，第一样试的是以荔芋泥和腊肠为馅料的椰香茘芋腊肠香菇饺，食客可以选择以蒸，煮，或煎三种烹调方法，因为我哋觉得腊肠同芋头用蒸比较夹，所以就选择咗蒸饺。呢度嘅饺子皮厚度啱啱好，唔会太厚，厚度亦都足够包实所有馅料，而芋蓉同腊肠嘅组合亦都相当夹。另外一款是嘅就系花雕醉鸡小笼包，因为怕被汤汁烫伤，所以小笼包到咗之后我哋等咗几分钟先至起动，而呢一个时机食小笼包嘅温度就啱啱好，先咬一小口，再饮少少汤汁测试温度，第一啖已经感受到花雕酒嘅香味，之后再一啖食晒成个小笼包，味道调得刚好，唔会太咸，都系一款值得推荐的创意料理。