三一餃子 (通菜街)

营业中

休息中

旺角通菜街两边都有唔少食肆林立，今次去咗间饺子店，佢有另一间店位于中环，都系一间人气店，都系经常排队，旺角店内装潢都好简洁，整体都几干净企理，坐位下方仲可以放东西，令食客可以坐得更舒服。店内除咗吃饺子之外，都仲有其他小食，例如，醉鸡翼、炸鸡、炸蚝、春卷、鸡软骨等，同时呢度都系一间饺子酒场，都有好几款日本酒供应，除咗食饺子之外，可以同朋友喺度饮吓酒倾下计都唔错。✨泡菜芝士玉子烧饺子 $68期间限定嘅新菜式，店员会用火枪将面层浓浓嘅芝士轻轻火炙过，令芝士有热溶嘅效果，食起嚟更香软，底层唔系大家食开𠮶只脆皮，系用咗玉子做底层，饺子充满肉汁，食落多咗蛋香味。芝士同玉子一向都系最佳组合，加埋韩式嘅泡菜上去味道又几夹㖞，充满层次感，芝士控必点。✨火焰醉鸡翼 $52上枱时，店员会先将烈酒倒在鸡翼上然后点火，造成火焰嘅效果，外皮香脆，鸡肉食落都好嫩滑，仲充满酒香味，加埋旁边酸酸甜甜嘅柚子酱汁食起嚟更清香。✨吉列炸蚝 $46炸蚝上枱时系啱啱炸起，食落有蚝味唔腥，都唔错。✨关东煮 $38有温泉蛋，竹轮、冬菇、清甜嘅萝卜、丸子等配料，汤底系用日本清汤，饮落都好清甜。✨甘煮野菜 $29汤底同样用上日本嘅清汤，