龍點心 (Eastcore)

营业中

休息中

上一次食龍點心嘅時候係下午，今次決定夜晚食龍點心，菜式都係差唔多。- 龍燒賣 上一次食既龍燒賣有蕃茄海鮮燒賣，今次轉左龍蝦汁墨魚燒賣，其他味道保持不變，包括原味、麻辣牛肉，龍蝦汁墨魚同滷水鵪鶉蛋。外皮夠薄，味道最有驚喜仍然係龍蝦汁墨魚，一咬就咇汁，味道鮮甜。- 龍餃子 龍餃子同龍燒賣一樣有四款唔同味道，包括酸菜魚鳳眼餃、松露野菌晶瑩餃、蟹粉菠菜香蝦餃同荀尖蝦餃皇。每一款蝦餃都好正，尤其係松露野菌晶瑩餃，松露味真係好香濃。- 普通擔擔麵擔擔麵唔算太辣，麵條幾掛汁，不過我覺得唔夠香。- 濃湯浸翠肉瓜秀珍菇餐廳健康之選，翠肉瓜好爽脆，秀珍菇好大粒。- 口水汁龍利魚腸粉腸粉好大份，估唔到龍利魚同腸粉味道咁夾，兩者口感都好滑溜，配上麻辣口水汁，味道有驚喜🤩- 大澳蝦醬鮮魷卷一見到外皮就知道幾脆口，入面塞滿軟腍既鮮魷，蝦醬鹹香十足，伴隨蝦既香甜味，並非一味死鹹😋總括而言，點心依然創意十足，其他菜式都保持水準，真係食極唔厭🤤