冰雪公主 (已結業)

见到有咁多好评我真系认唔住要打返篇负皮中和下话说见到荃湾广场附近新开左呢间冰雪公主想试佢啲甜品好耐当晚由于好早食完晚餐，个肚仲有空位就决定同男朋友两个人去试下啦！佢铺头既招牌都几显眼，好易揾到（虽然我唔觉得同冰雪有咩关系）。而铺品里面都好多位，几乎唔使等就有得入座，但一坐低就知中伏。首先张枱未抹干净，仲系痴苙苙既，印象分已扣。然后我再睇下食评睇下有咩好食既时候，见到篇篇好评既Pattern都一模一样，而负评就好极端，心水清都知咩事啦....不过入左黎就试下啦～入正题，叫左两款甜品年层千层蛋糕一层层cream同皮既中间夹住年糕，呢旧蛋糕系系雪柜拎出黎，所以块年糕系雪到硬晒，成个蛋糕都好韧，好难切开。而味道方便，基本上系冇味，要点旁边啲沟稀左既炼奶先放得入口。好似叫士多啤梨年糕多士其实一黎见到佢块方包个角bun左，已经有不祥感觉。整得甜品既人其实多少对个卖相都有要求吧，我真系忍受唔到用百佳啲一条条包装bun左既方包黎做甜品。我估师傅系想块方包变脆身，但Sorry 块方包包皮系硬到入口会刮损口既程度。方包中间又夹住啲年糕，今次啲年糕系软既，但都搅到块方包软晒，最后块方包又系切唔开，要扯开佢。