MR. MAKI (金巴利大廈)

营业中

休息中

今日返咗母校，发现附近开咗好多新餐厅，不过冇时间坐低慢慢叹，所以就拣咗呢间MR. MAKI买外卖。虽然佢主力做外卖生意，不过亦可以选择堂食。佢哋有提供Poke Bowl，同时亦提供卷物寿司同小食。饮品方面，除咗常见嘅可乐，仲有日本版汽水。我哋就拣咗两款食物返屋企慢慢叹。最近爱上食Poke Bowl，感觉清新又健康，就拣咗佢其中一款三文鱼两味。三文鱼两味其实系指分别用咗酱油腌制同混有沙律酱嘅三文鱼，两款味道各有特色，我两款都钟意。除咗主角三文鱼，另外仲会有牛油果、粟米、枝豆同椰菜，味道清新而营养又均衡。另外仲点咗佢哋非常创新嘅卷物，叫带子被困火焰山，个名都已经够gimmick。其实佢系喺卷物之上加上一层蟹柳丝、带子、忌廉芝士、蟹籽等嘅材料，然后再烤焗一下表面，令普通嘅卷物变得不平凡。而卷物本身就有蟹柳、牛油果同芦笋。仲会食到粒粒嘅珍珠带子，果然真材实料。