鏞鏞．藝嚐館

营业中

休息中

同朋友去咗镛镛.艺尝馆食饭，感觉唔错！镛镛系镛记酒家嘅新品牌，专门做粤菜，但系有啲创新同埋时尚。今次无点到佢哋招牌嘅烧鹅，试咗几个小菜：流心西施炸虾丸、蒜香油盐大虾球、桂花蟹肉炒粉丝、银棯酱干葱鲜鸡煲等等，每样都好好味，流心西施炸虾丸系朋友推介嘅菜式，外皮香口，入面有芝士汁流出黎💯💯桂花蟹肉炒粉丝系我最中意嘅菜式之一，粉丝爽口，鲜拆嘅蟹肉见得到都多又大块，扮桂花嘅炒蛋火候啱啱好，唔会过老，食完仲想再食。而银棯酱干葱鲜鸡煲嘅鸡肉滑溜入味，干葱同埋银棯增加咗唔同风味服务都几快捷有礼貌，环境ok，等天气再暖少少可以试下坐室外。