雷拉麵 (已結業)

系旺角买完嘢只系想去间好坐啲嘅餐厅食晚饭，行过几间餐厅都系好多人嘅又坐到好逼咁，一路系女人街附近行，最后转入女人街见到间拉面店，新装修咁，入到去冷气超凉，好爽因为出面真系好鬼热。个拉面餐牌几有趣，啲配料同一般嘅拉面店有啲唔同，我拣左个有珍宝刺身带子嘅，拉面有带子刺身真系第一次试。拉面嘅汤系菠菜汁豚骨汤，汤底仲有啲菠菜搾，味道浓郁，除左一般嘅叉烧同半熟玉子外，最创新嘅系有黑鱼籽同珍宝刺身带子，黑鱼籽我一大口食哂，冇捞落啲汤到，黑鱼籽好正，因为一大口食咁多黑鱼籽都系第一次，并且黑鱼籽味到好香浓，再黎三大片带子刺身，鲜味特出，同新鲜嘅菠菜汁食由令一食法，唔洗豉油芥末都一样好味，最后连啲汤都饮哂添呀，食完好饱好满足，！