影片
更多
2017-12-24
271 浏览
所谓三军未动粮草先行，识咗十年嘅好兄弟话要请我食饭贺我唔使揸兜，有得做大爷梗系奉陪啦，全盘佢话事我等食，拣呢间嘅原因佢话个名够诱人㖞，果然大家都系男人。个场嘅位置虽则都系尖东好易去，不过都兜咗一圈先揾到，个招牌又真系唔太显眼。门口见到外卖自取个价钱都几吸引，唔知好唔好食。入到去会见到啲鱼，感觉比放一片片嘅鱼生新鲜得多。喺尖东开餐厅做埋酒吧都系好平常嘅事，卖酒水比卖食物仲好揾啊。既然呢间餐厅食日本野，餐牌用返日式绘画都系好合理嘅。先嚟个沙律清清肠胃，见佢个蟹肉蟹籽沙律写明系用QB sauce而唔系mayo，姐系由卡夫奇妙酱变成日本用料？就睇下有咩特别。个沙律份量就较少，庆幸佢无加大量嘅QB酱落去，好惊啲餐厅落大量沙律酱然后啲菜出水变晒白浊液，呢度嘅沙律就无呢个问题。虽然蟹肉份量唔多，个兜亦令我有啲密集恐惧，起码啲沙律菜够清爽唔会老，合格有余。麻甩佬聚会肯定有酒，见到日式四极呢个名就相当有趣，究竟有边四极？睇返材料有抹茶、冧酒、wasabi、清酒、菠萝汁同毛豆，夹得埋嫁？系时候要冒险喇。倒出嚟果然系泛绿色，闻落去已经有wasabi味，不过饮落又唔辣㖞，首先会感受到wasabi嘅辛，之后会有
门口见到外卖自取个价钱都几吸引，唔知好唔好食。
入到去会见到啲鱼，感觉比放一片片嘅鱼生新鲜得多。
喺尖东开餐厅做埋酒吧都系好平常嘅事，卖酒水比卖食物仲好揾啊。
既然呢间餐厅食日本野，餐牌用返日式绘画都系好合理嘅。
先嚟个沙律清清肠胃，见佢个蟹肉蟹籽沙律写明系用QB sauce而唔系mayo，姐系由卡夫奇妙酱变成日本用料？就睇下有咩特别。
个沙律份量就较少，庆幸佢无加大量嘅QB酱落去，好惊啲餐厅落大量沙律酱然后啲菜出水变晒白浊液，呢度嘅沙律就无呢个问题。虽然蟹肉份量唔多，个兜亦令我有啲密集恐惧，起码啲沙律菜够清爽唔会老，合格有余。
蟹肉蟹籽沙律
$98
7 浏览
0 赞好
0 留言
麻甩佬聚会肯定有酒，见到日式四极呢个名就相当有趣，究竟有边四极？睇返材料有抹茶、冧酒、wasabi、清酒、菠萝汁同毛豆，夹得埋嫁？系时候要冒险喇。倒出嚟果然系泛绿色，闻落去已经有wasabi味，不过饮落又唔辣㖞，首先会感受到wasabi嘅辛，之后会有菠萝嘅甜，同时带咸甜感觉又唔差，有惊喜㖞！
日式四极
$108
7 浏览
0 赞好
0 留言
剑鱼腩刺身就食得多，用嚟做香茅橙汁剑鱼腩？会唔会晒咗啲材料嫁？睇相片佢个做法接近泰式，侍应话啲剑鱼腩浸过柠檬汁加橙汁，食落去又真系酸酸甜甜几醒胃。同刺身比煮过嘅剑鱼腩少咗啲爽口但滑溜依然，加上香茅炸蒜等材料又几香口。
香茅橙汁剑鱼腩
$138
14 浏览
0 赞好
0 留言
原之味火焰卷有几火焰？我仲以为系好辣，原来餐厅系碟嘅两旁加咗易燃液体，然后点火，呃like一流。材料除咗面头旧火炙三文鱼仲有辣味吞拿鱼做馅，更有鱼子酱，食落辣度唔高但个味就几出，不过就有啲掩盖咗三文鱼同吞拿鱼嘅鲜味。
原之味火焰卷
$148
11 浏览
0 赞好
0 留言
日本餐厅叫刺身是常识吧？小小地拣咗个最平嘅刺身拼盘，上枱嘅刺身同餐牌写嘅有出入，用料好似升咗级，既然佢畀得我我就真系唔客气喇。最前面嘅系鲣鱼刺身，香港就比较少见，食落去似鲭鱼秋刀鱼咁味道带微甘，肉质较绵软，平时食惯鲣鱼干，估唔到刺身味道都唔错。甜虾同油甘鱼鲜美；带子味道清甜，口感结实弹牙。最值得一提系件拖罗，嫩滑之余仲入口即融，实在令人感动。
刺身拼盘
$268
13 浏览
0 赞好
0 留言
最近藜麦相当盛行，但我仲未食过只知佢又系咩健康食品（通常健康等于唔好食），见到佢有海胆藜麦意粉，断估有海胆味道差极有限挂，可以一战。个意粉用咗扁意粉，就更能够挂酱汁。意粉食落去就相当浓郁够咸香，似乎系用咗日本嘅海胆酱做酱汁，当年我都靠佢嚟送白饭悭钱。不过有一个唔好处，就系令原条嘅海胆嘅甜味唔够突出。
海胆藜麦意粉
$198
17 浏览
0 赞好
0 留言
见到呢个蓝莓鸭肝柚子雪葩咁奇特嘅组合，真系好难唔柯打一客，话晒都系两个极端嘅食物，夹得埋嫁？唔食唔知原来真系得，煎咗嘅鸭肝其实唔算肥腻，而且外层仲保持到香脆，柚子雪葩自然系清新怡人，两者都可以入口即融成一体，呢个正反两极咸甜组合非常出色，我同朋友都由黑人问号变成感叹号。
蓝莓鸭肝柚子雪葩
$148
5 浏览
0 赞好
0 留言
未入嚟之前以为呢度只系卖大路日本菜，估唔到佢系卖创新口味，更估唔到佢又真系做得唔差，个鸭肝雪葩都真系大胆得嚟又好食真系城市惊喜﹗
张贴
