影片
更多
2021-11-04
91 浏览
本人一向都系爱面人士，我可以餐餐都食面，但唔可以餐餐都食饭🤣 最近呢间新开嘅面店就几得我欢心👀 餐厅主打港式面食，以新鲜食材去制作汤底，真正无添加无味精，坚系真材实料！平时出街食面最怕食到味精汤，食欲即刻减半😖 餐厅另一特色之处就系有咖啡饮😳 好少见港式面店系有咖啡饮，餐厅坚持本地烘焙，提供无公害高海拔咖啡☕️餐厅装修亦好有coffee shop 感觉，水泥墙配上木制枱櫈，四周更有唔少霓虹灯，有别于传统面店😎 望望个餐牌见到啲菜式名都几好笑，有「卖一碗蚀一碗汤面」、「神级猪队友汤面」等。汤底款式总共有5款，有大补鸡汤底、鲜鱼骨汤底、鲜牛骨汤底、浓猪骨汤底及素昆布豆腐汤底，实有一款啱大家😛 另外仲有蒸饭、小食、菜类等可以拣。呢度系用QR code落单📱 ❤️ 餐前小食小店送每人一碟餐前小食，几有诚意！新鲜焗起，系薯蓉嚟，加咗洋葱🧅 食落都唔错。❤️ 好鬼补鸡汤面 $88汤头以几十斤鸡壳及数款药材熬制，好滋补🙊 本来以为个汤底会好油腻或者浓到好似鸡精咁，点知又几清爽㖞！饮落无咩鸡油，清甜而不腻🐔配料有花胶、鱼肚、鲜鸡柳、北菇同云腿丝，真系几足料！啲配料都煮得好入味，尤其系北菇，索哂啲汤汁💦面底可
餐厅主打港式面食，以新鲜食材去制作汤底，真正无添加无味精，坚系真材实料！平时出街食面最怕食到味精汤，食欲即刻减半😖 餐厅另一特色之处就系有咖啡饮😳 好少见港式面店系有咖啡饮，餐厅坚持本地烘焙，提供无公害高海拔咖啡☕️
餐厅装修亦好有coffee shop 感觉，水泥墙配上木制枱櫈，四周更有唔少霓虹灯，有别于传统面店😎
望望个餐牌见到啲菜式名都几好笑，有「卖一碗蚀一碗汤面」、「神级猪队友汤面」等。汤底款式总共有5款，有大补鸡汤底、鲜鱼骨汤底、鲜牛骨汤底、浓猪骨汤底及素昆布豆腐汤底，实有一款啱大家😛
另外仲有蒸饭、小食、菜类等可以拣。呢度系用QR code落单📱
❤️ 餐前小食
小店送每人一碟餐前小食，几有诚意！新鲜焗起，系薯蓉嚟，加咗洋葱🧅 食落都唔错。❤️ 好鬼补鸡汤面 $88
汤头以几十斤鸡壳及数款药材熬制，好滋补🙊 本来以为个汤底会好油腻或者浓到好似鸡精咁，点知又几清爽㖞！饮落无咩鸡油，清甜而不腻🐔配料有花胶、鱼肚、鲜鸡柳、北菇同云腿丝，真系几足料！啲配料都煮得好入味，尤其系北菇，索哂啲汤汁💦
面底可以拣拉面、扁拉面或加钱转乌冬/年糕。
我拣咗普通拉面，拉面分量多，佢系中式拉面嚟，面质都几有咬口🍜配菜有木耳， 少少辣，都几开胃。
❤️ 牛队长汤面 $88
汤底好浓且有淡淡药材味，斋饮个汤都好饮！😛 完全唔油腻👌🏻 配料有牛腩、牛筋、澳洲和牛封门柳、大大嚿萝卜🤩 萝卜清甜无渣，牛腩同澳洲和牛封门柳好入味好腍，而且好重牛味！🐂❤️ 黄金单骨鸡翼 $38
即叫即炸🔥 单骨食起上嚟好方便！鸡翼炸得酥脆，配上咸蛋黄好惹味😋 ❤️ 酥炸日本舞茸 $38
估唔到呢度有日本舞茸食㖞👀 果然好fusion！一碟3件，同样系即叫即炸🔥 炸浆唔太厚，炸到脆卜卜非常香口😋❤️ 摇呀摇烘焙 $50
见个名几特别就叫咗嚟试！个杯身几靓，几啱打卡📸 面头有层厚厚嘅奶泡，有少少岩盐喺上面，下层就系香浓烘焙咖啡☕️ 店员话要先试啖奶泡，再搅匀饮。奶泡轻盈，咖啡系选用尼加拉瓜咖啡豆！整体奶嘅比例较多，品尝到少少咖啡嘅甘苦同淡淡岩盐嘅咸味。餐厅推荐度：⭐️⭐️⭐️⭐️ (4/5)
又有得食面又有得饮咖啡真系几特别，睇得出佢哋对选择食材同咖啡豆都好用心👏🏻 价钱方面都合理，分量多到饱住走🤰🏻
补返其他Menu👇🏻
张贴
