榕記車仔麵 (已結業)

今晚同Mary 去将军澳攞嘢，晚餐唔想食咁贵。咁就揾吓附近有冇啲车仔面，见到呢间新开张嘅车仔面店，入面又干净舒服咁，就入去试下。坐低之后就睇下有咩野食，呢到有三张点餐纸，有正常猪骨汤底嘅车仔面点餐纸，特色汤底车仔面点餐纸同其他小食嘅点餐纸。白果胡椒猪肚汤底+粗面+秘制猪软骨+鱼肉春卷+萝卜+卤水蛋好钟意！一嚟到嘅时候见到汤底白色，好惊叫咗伏野。但饮咗一啖发现佢胡椒味好足够，汤底仲会有一堆猪肚丝，猪肚丝都好好味，好似多咗个𩠌咁。秘制猪软骨就差啲，煮得唔系几够林，但个味系够嘅。鱼肉春卷个味道系拍得住南记，佢个春卷冇南记咁粗同咁油。萝卜开头见佢唔系好有色，以为佢会唔入味唔好食，但系食左之后又发现好清甜。卤水蛋就好正常。猪骨汤底+油面+腩汁+陈皮鱼蛋+红肠+牛腩呢一碗系安全配搭，汤底几好嘅。陈皮鱼蛋好少见呢度都有，佢唔系煮到好硬身个款。牛腩都几好。唐山菜+蚝油+腩汁唐山菜几大碟，菜都新鲜，滚得啱啱好唔会太林。酱汁鱿鱼鱿鱼系正常水准，值得一题系佢嘅酱汁，辣辣地好惹味。食完之后我留左啲酱汁，用黎点菜。今次食到好饱，因为佢食物种类都算多。车仔面铺头黎讲，呢一度算食得几舒服。