影片
更多
2024-12-13
462 浏览
最近想食片皮鸭，就去左尖沙咀嘅羲和雅苑。一入去就俾佢嘅气氛吸引住，装修融合咗古典同现代元素，好有文化味道，睇到已经知道呢度啲美食唔简单。仲有室外嘅位置，可以睇到维港景色！开场𠮶只烤鸭真系打正旗号，视觉同味觉上都系双重享受。厨师即席片鸭，手势好利索，片得靓靓仔仔，将鸭胸皮、鸭胸肉同鸭腿肉分开。脆卜卜嘅鸭胸皮唔使包薄饼，净系沾蓝莓酱同爆炸糖，呢个组合好新奇，蓝莓酱嘅酸甜解左鸭皮嘅油腻，香脆嘅鸭皮加上跳跳嘅爆炸糖，口感好特别。至于鸭胸肉，就配埋特制嘅黄芥末酱，酸甜恰到好处，食完完全唔会腻。鸭腿肉搭薄饼一齐食，无论系传统版嘅青瓜京葱丝甜面酱，定系新派嘅山楂条、紫洋葱再加蓝莓酱，全部都值得一试。接住上台𠮶道系张氏狮子头配上一口饭，鲜香四溢，肉质松软，d酱好适合捞饭食。跟住啲烟熏叉烧一出场，𠮶股烟熏香真系使人食指大动，肥瘦适中。一品赛蟹黄，虽然冇蟹，但啲蛋香扑鼻，口感细腻，蛋白整到好似有蟹肉咁，微酸开胃，真系令人有种惊喜。仲有羲和小肉饼，外皮非常酥脆，用试管装住醋，自己控制吱入肉饼嘅份量，每咬一啖都系一种享受，配杯桂花乌龙茶，淡雅嘅花香留喺口中，真系回味无穷。最后𠮶道黄扒汤浸莴苣为呢餐画上完美句号
开场𠮶只烤鸭真系打正旗号，视觉同味觉上都系双重享受。厨师即席片鸭，手势好利索，片得靓靓仔仔，将鸭胸皮、鸭胸肉同鸭腿肉分开。脆卜卜嘅鸭胸皮唔使包薄饼，净系沾蓝莓酱同爆炸糖，呢个组合好新奇，蓝莓酱嘅酸甜解左鸭皮嘅油腻，香脆嘅鸭皮加上跳跳嘅爆炸糖，口感好特别。至于鸭胸肉，就配埋特制嘅黄芥末酱，酸甜恰到好处，食完完全唔会腻。鸭腿肉搭薄饼一齐食，无论系传统版嘅青瓜京葱丝甜面酱，定系新派嘅山楂条、紫洋葱再加蓝莓酱，全部都值得一试。
接住上台𠮶道系张氏狮子头配上一口饭，鲜香四溢，肉质松软，d酱好适合捞饭食。跟住啲烟熏叉烧一出场，𠮶股烟熏香真系使人食指大动，肥瘦适中。一品赛蟹黄，虽然冇蟹，但啲蛋香扑鼻，口感细腻，蛋白整到好似有蟹肉咁，微酸开胃，真系令人有种惊喜。
仲有羲和小肉饼，外皮非常酥脆，用试管装住醋，自己控制吱入肉饼嘅份量，每咬一啖都系一种享受，配杯桂花乌龙茶，淡雅嘅花香留喺口中，真系回味无穷。
最后𠮶道黄扒汤浸莴苣为呢餐画上完美句号。汤底清甜，配埋爽脆嘅莴苣，令人感受到满足同幸福。
张贴
