士林台灣小吃 (已結業)

刚从台湾旅游回来，正回味在台湾夜市的美食之际，就喺西九龙中心food court见到呢间食店，二话不说就点咗几款小食！除咗面线外，其他嘅小食都系煎炸为主。呢间嘅招牌系超大鸡排，所以点都叫嚟试下！鸡排已经剪成小块，食落好方便，赞嘅！ 鸡排啱啱炸起，加上调味粉，非常香脆惹味！唯独鸡排有啲薄身，如果厚啲口感会更好。赞嘅系鸡排唔会炸得太干，而且唔会太老而「鞋烚烚」。甘梅地瓜条系我最钟意嘅！又系啱啱炸起，每条都脆卜卜！上面有甘梅粉一齐食，甜甜地，好味指数爆灯！！(冇夸张，试过就知！)每一条都炸到金黄色，而且每条地瓜条系「好实在」，咬落唔会话食空心条咁。力推呢款小食呀喂！