影片
更多
2016-12-15
416 浏览
集邮一向兴趣唔大，不过，以前年轻无乜能力去依度𠮶度，所以，有朋友去外地旅游，就梗会麻烦佢哋寄张明信片返嚟留个念，故此，收收埋埋唔少明信片。不过，依家互联网加上智能电话嘅发达，越嚟嚟无人愿意寄名明信片，取而代之就喺whatsapp发过嚟嘅风景相。早前晌友人FB见到依间「香港邮意」咖啡店，好得意，又可以叹靓啡，所以，揾晚收工过嚟迤吓。果然，由门面到里面，都充斥着明信片及航海依两个主题。虽然，餐厅位处后巷，条巷亦有啲污糟，感觉上确喺有点输蚀，不过，走进店内，唔单止地方大，楼底高，座位都唔会排得好逼，感觉宽敞惬意。点餐后，再周围参观吓，入门口左边墙上及天花都挂满好多明信片，而右方更有个摊位摆咗好多明信片作贩卖，当中不乏本土色情。此外，门口嘅舢舨、航海地图、帆船模型……等等，餐厅主题嘅摆设。一大张餐牌，底面两页，前面印晒所有食物，包括沙律、小食、饭类、意大利粉及数款全日早餐。另一面就喺饮品及甜品，包括各种咖啡、生果梳打及热花茶。餐牌可能有啲沉闷，但水吧上方嘅黑板，以唔同色情嘅粉笔写晒餐厅各种食品、饮品，就显得醒神。由于餐厅采用半自助形式，晌出面柜位点餐后，就由店员送上，不过，要清水、其他调味料、
果然，由门面到里面，都充斥着明信片及航海依两个主题。虽然，餐厅位处后巷，条巷亦有啲污糟，感觉上确喺有点输蚀，不过，走进店内，唔单止地方大，楼底高，座位都唔会排得好逼，感觉宽敞惬意。
点餐后，再周围参观吓，入门口左边墙上及天花都挂满好多明信片，而右方更有个摊位摆咗好多明信片作贩卖，当中不乏本土色情。
此外，门口嘅舢舨、航海地图、帆船模型……等等，餐厅主题嘅摆设。
一大张餐牌，底面两页，前面印晒所有食物，包括沙律、小食、饭类、意大利粉及数款全日早餐。另一面就喺饮品及甜品，包括各种咖啡、生果梳打及热花茶。餐牌可能有啲沉闷，但水吧上方嘅黑板，以唔同色情嘅粉笔写晒餐厅各种食品、饮品，就显得醒神。
由于餐厅采用半自助形式，晌出面柜位点餐后，就由店员送上，不过，要清水、其他调味料、餐碟……等等，就要自助，晌水吧前嘅矮柜自取。顺带一提，矮柜下仲有啲旅游书，欢迎自取阅读。
玛琪雅朵咖啡 $38平时晌咖啡店首选喺鲜奶咖啡，今回改饮玛琪雅朵咖啡，喺一份浓缩咖啡再加一小羹奶泡，店员送上咖啡时讲咗句话如果觉得浓得滞就冲过杯俾我，我当佢喺讲笑。玛琪雅朵细细杯，咖啡味确喺好浓缩，但入口无想像中咁苦涩，咖啡香嘅余韵长。
姜饼人拿铁 $48友人同我一样都喺喜欢饮鲜奶咖啡，所以，拣拿铁，但佢话未试过加入姜汁嘅拿铁，故一于要杯姜饼人拿铁。拉花图案线条细致，奶泡打得绵密，撞入浓浓咖啡好均匀，所以，口感细滑平衡，喺杯极有水准嘅拿铁。
姜饼人拿铁
$48
15 浏览
1 赞好
0 留言
黑松露带子意粉 $88以忌廉汁煮好嘅意粉，再加上一撮黑松露酱，所以，食时需先捞匀，幽幽嘅黑松露香，随意粉嘅热力散发。啲意粉煮得啱啱好，有咬口，挂满忌廉汁，黑松露味香我嚟唔会太抢，而带子呎吋属大呎码，几鲜甜爽口，唔似雪藏货，可惜得3粒就梗唔够喉啦！
黑椒牛仔骨饭 $78睇落份量颇大，牛仔骨亦唔少，不过，牛仔骨其实属骨多嘅肉，所以，肉地唔多，亦有少少过韧；但喺，配上炒饭底，算做得有诚意，而已，个黑椒汁好惹味，内里加入好多洋葱粒，捞饭一流。
焦糖雪糕香蕉窝夫 $78老友都算喺窝夫「粉丝」，见食完正餐都仲有虚位，点多客窝夫叹吓，窝夫有两款口味，一喺就香蕉，一喺就杂莓，但亮点喺伴上Movenpick雪糕，我哋拣咗前者，因为焦糖喺小弟嘅心水口味。
窝夫无乜花巧，方形一大件过，睇得到香蕉经过焦糖化，一大球雪糕球衬住，卖相不俗。至于味道如何，Movenpick雪糕确喺一份保证，雪糕幼滑富奶香，焦糖味十足，更混入杏仁粒，而香蕉够熟又有焦糖味，更估唔到雪糕底下添加咗啲消化饼碎，增加多咗啲口感。唯一挑剔喺窝夫虽则软熟，但蛋香比较弱。
同场加映，猫星人四围走，目测店内有两只猫，一只啡白，一只全白，成晚走嚟走去，擒高擒低，爬入厨房，又走出大厅，百厌到不得了，几难先见佢定定哋被我影番一张相。
好钟意「香港邮意」个环境，因为舒服好迤，同朋友饮杯咖啡，食件蛋糕，倾吓偈都喺非常爽嘅事。不过，睇匀都唔见有蛋糕套餐之类，再向店员查询，原来喺有啲Afternoon Set，配蛋糕、沙律或小食，款款都喺$58，跟餐饮，喺晏昼迤选。
逢星期一，咖啡仲有买一送一，咁下次我识边日落嚟帮衬。
依度嘅咖啡无疑喺好出色，食物亦具质素，上次晌尖东嘅My Little Coffee已经觉得喺一间好唔错兼有个性嘅咖啡店，今次嚟到香港邮意，同样有个性，绝对喺间有能力力争上游嘅咖啡小店。
张贴
