功夫點心 (已結業)

今日午饭选择同同事黎中港城平台嘅功夫点心。最近商场电梯翻新，上去平台要转行楼梯/转䢂。餐厅环境光线充足、整齐、空间感大，每张台之间都有距离，不会逼夹。点心纸好特别，好似武林秘诀，非常切合「功夫」主题！食物选择都好多，不过今日我地呢餐主打系盅头饭，叫左：煎糯米鸡、排骨饭、章鱼肉饼饭同鲜虾荷叶饭。煎糯米鸡好香口，几好食；排骨饭果然系推介，排骨腌得入味，肉汁渗透饭内，令人回味；章鱼肉饼对比起来比较逊色，但份量同价钱在尖沙嘴区算是不错；荷叶饭都好香，内里有两只鲜虾，味道稍淡。呢度虾饺烧卖都系一笼两粒，落柯打记得数人头呀！虾饺烧卖里面嘅虾都好大粒同弹牙，好满足！鲍汁鸡脚点多左一份，鸡脚入味香滑，个汁攞黎送白饭就一流喇食到尾声叫埋甜品，不过只有炖奶同煎堆两个选择。我地一致叫桂花糖炖鲜奶，炖奶都几滑，不过啲桂花糖浆真系好甜好甜，建议拨走部分先食。今餐都点左好多点心，全部都令人满意，尤其是喺尖沙咀区，呢个价钱绝对值回票价，可以encore！