一粥麵 (愉景新城)

营业中

休息中

本身都几钟意食牛，一日三餐食牛都唔会厌。今朝早餐食咗沙爹牛肉面，之后去咗太子食咗个五香牛腩饭做午餐，今晚就来到这里食功夫牛汤面。用咗免费报纸嘅 coupon，所以买功夫牛汤面系有红豆冰送的。晚饭时间梗系多人，难得俾我揾到个死角位，坐住等冧把显示。【功夫牛汤面 $37】虽然有生菜和萝卜垫底，但都算大碗，有点意外添。汤底都OK，唔多觉有味精，面质爽口。牛腩一件，炆得好腍，又够味。牛丸两粒，肉质扎实，都有弹牙感，够牛味。牛肚五件，入晒味，水准唔错。红豆冰的冰粒嫌太大粒，应该可以打碎啲，红豆都够腍，成杯红豆冰的甜度适中。明白红豆冰只是配衬，真功夫者乃牛汤面矣。