意素園 (已結業)

北角新开咗一间素食餐厅叫意素园，今日真汉子就同大家睇吓有咩好嘢食先。🤩餐厅似系家庭式经营，店主同熟客都系讲我听唔明嘅方言，从餐牌有几样福建嘢食估计系福建人开嘅。🤔之前做咗功课知道云吞系招牌菜，就叫咗秘制酱汁捞云吞 （$48 有六粒），跟餐加 $18 加配细福建菜粿一份。另外散叫咗一碟素肴肉添 $48。🥟 秘制酱汁捞云吞我相信佢真系招牌，因为开咗铺唔够一个钟已经有客人外卖咗好多，所以我果碟唔够云吞，其中一粒要用水饺代替，非常夸张。😮云吞好大粒，皮系属于烟韧型，我钟意。馅料有木耳，菇，椰菜，冇素肉㗎。🙅‍♂️至于秘制酱汁竟然系麻酱，入面仲有啲粗粒嘅花生粒，好似食紧 Skippy（其实会唔会真系 Skippy?）。🥜🍞捞云吞第一次食，云吞本身系高质嘅，但一来麻酱我麻麻哋，二来冇汤云吞比较快冻，我谂下次再嚟要试下食放汤嘅云吞比较吓，我相信会更加好食。😗🐽 素肴肉外型上都学得八九成似，味道都好接近，尤其点咗跟嚟有啲辣油嘅酱汁食更开胃，而肴肉最灵魂部份嘅凝固脂肪都被 “神还原” 过来，包括咬落去烟烟韧韧嘅口感。😬⏩ 福建菜粿未食之前唔知咩系菜粿，亦对呢几件三角形嘅食物冇咩期望，点知原来系炸萝卜糕嚟。