開花結果 (已結業)

由佢开张,发围到搬大舖,由以前会肯花d时间(15-30分钟)企度等位,到家下只会叫外卖,其实一直都有帮衬佢的!不过先讲返服务,真系差左好多,相信同区有帮衬既都觉!服务员唔掂!堂食催命符咁,我都知你座位少,等紧既人多,但系张枱又唔大,野食又只系食到一半就逼你落饮品单,搞到张枱无位放,无餐安乐饭咁.......所以由堂食转左外卖都有一段时间...唔知系咪唔忧做,事头婆又去左新舖,最近接电话既人都好差!领悟力又超低!有时落单都有d火滚,重覆4次,佢都系听唔清!鬼咩,又搞d什么来电等候,讲几粒字又窒下,落单落到一肚火!食物味道大致都keep到,无乜退步,最正系佢d酱汁,好夹,沙律质素系keep到由开业到家下既水准!仲有要赞系最近佢地人手多左,送外卖准时左,以前真系够胆死order 12点半,但1点半先到!d野仲系会冻哂啰!几个月前出左新餐单,贵左好多好多,以前一个午餐加果汁都系33-34,家下要38!加左10% up!(开张时才28-29)同区好多外卖仲系做紧25-30,所以近几个月都少叫佢了!希望佢地真系比个心出黎做,态度improve一下,keep返d熟客啦!