千海水產海鮮火鍋放題

营业中

休息中

可能太好生意，开业冇耐已经要加价，明明订位时见到晚市星期一至四系308一位，今日嚟到门口晚市见到系收318一位加一后系350一位。如果大家想排Walk in 就要留意啦，佢网上订位晚市系分7:00同7:30两个时间。店方嘅安排系先入7:00订座，然后入7:30订座，等7:30订座入完，仲有位先会比Walk in，所以walk in 最少排半个钟。海鲜方面都系KOL片中介绍嘅种类，但size偏细冇片入边𠮶啲咁大只。今日食咗鲍鱼同虾同沙白，系几新鲜，但啲沙白细细粒又冇乜味道咁，可能其他海鲜会好啲。生蚝变左冇壳既，唔系KOL介绍既半壳，个卖相差好远。熟食方面，羊架同乳鸽几出色，其他一般。今日眼见冇羊腩煲，但系有小龙虾。甜品方面佢有H牌雪糕杯坐食，唔洗限人头，呢个几好。