影片
更多
2021-05-17
1348 浏览
卑利街尾有一间充满80、90年到feel嘅酒吧，店内两国区域装潢各有特色。靠入嘅位置系酒吧+少量卡位。墙边有个好高嘅酒柜，仲有三部电视各播放著外国节目。对面墙身挂满同加拿大有关嘅装饰品，好有怀旧感觉。另一区除咗用餐座位外仲见到开放式厨房，可以见到厨师喺度整食物㗎。店内食物选择唔多，炸鸡系店内嘅灵魂。唔食炸鸡嘅话就真系唔好去呢间餐厅。▫️原味炸鸡 (HKD150/半只）- 好彩只系叫原味炸鸡咋(想知点解就睇埋落去啦)。鸡件外皮炸到好硬，咬落口系脆卜卜嘅。鸡肉唔觉多肉汁，所以食起上嚟觉得有点干身。呢间餐厅嘅炸鸡系唔跟任何酱汁，所以我哋加咗$10要咗个”Yuzu Mayonnaise”酱汁。Yuzu Mayonnaise都几重柚子味，令到比较干身嘅鸡件添上几分滋味。▫️辣炸鸡三文治 (HKD80) - 鸡件系大件嘅，上面有溶咗嘅”Monterey Jack Cheese” 。味道真系好辣🔥🔥未食前见到鸡件上沾满辣粉就知到辣度应该唔轻。J先生尝了两啖后顶唔顺，佢标晒眼水话投降😂。除咗鸡件上面嘅辣粉，涂上三文治嘅辣酱同埋藏于鸡件下面嘅墨西哥辣椒味道都系超辣㗎，真系攞你命三千😆▫️Fried Scamo
店内食物选择唔多，炸鸡系店内嘅灵魂。唔食炸鸡嘅话就真系唔好去呢间餐厅。
▫️原味炸鸡 (HKD150/半只）- 好彩只系叫原味炸鸡咋(想知点解就睇埋落去啦)。鸡件外皮炸到好硬，咬落口系脆卜卜嘅。鸡肉唔觉多肉汁，所以食起上嚟觉得有点干身。呢间餐厅嘅炸鸡系唔跟任何酱汁，所以我哋加咗$10要咗个”Yuzu Mayonnaise”酱汁。Yuzu Mayonnaise都几重柚子味，令到比较干身嘅鸡件添上几分滋味。
▫️辣炸鸡三文治 (HKD80) - 鸡件系大件嘅，上面有溶咗嘅”Monterey Jack Cheese” 。味道真系好辣🔥🔥未食前见到鸡件上沾满辣粉就知到辣度应该唔轻。J先生尝了两啖后顶唔顺，佢标晒眼水话投降😂。除咗鸡件上面嘅辣粉，涂上三文治嘅辣酱同埋藏于鸡件下面嘅墨西哥辣椒味道都系超辣㗎，真系攞你命三千😆
▫️Fried Scamorza (HKD40) - 一客小食有三件，每件都有满满芝士，要做到拉丝效果影相完全冇问题😂。里面啲芝士非常烫热，我食嘅时候差啲烫亲个嘴。虽然系油炸但一点都唔油腻，真系一款令人食到停唔到口嘅小食。
呢度售卖嘅酒精饮品唔算贵，喺中环呢个地段佢哋卖$40一罐啤酒、$50一杯cocktail. 唔怪得每一枱都不停叫酒饮啦。
呢间餐厅同之前某间餐厅格局好相似 - 餐厅+酒吧。不过喺呢度食饭就舒服好多。餐厅楼底够高，就算播放著音乐+吵杂声都唔会觉得好烦好焗促😂
张贴
