影片
更多
2018-08-14
474 浏览
笔者介绍：人称「肥佬B」，自2009年加入openrice，一直以openrice用作bookmark餐厅用途。踏入三十之年，心广体胖嘅我quota递减，故每逢可以出街食饭定必事前做足功课，以免浪费quota，希望透过写食评同大家分享饮食心得和介绍我嘅口袋餐厅。作为新界仔嘅我，更与女友相约「每月港岛一餐」，有兴趣就即刻follow我啦！每次系沙田做完gym都会经过呢间点点心，开头系我老母带我黎，前前后后都帮衬左十几廿次，d出品其实系ok嘅，有时会好过酒楼，但水准就飘忽d，今餐系唔好食之余仲好唔好彩加左料！茶钱$6位，点心廿几到三十，要食得饱人均$60左右，比较多内地人同游客食。饭系最稳阵细个食菠萝包以为真系有菠萝，原来只不过个样似菠萝，实际系无嘅。而呢到嘅真。菠萝包就真系放番菠萝果肉入去，味道一般，而且唔似添好运咁即叫即焗！呢个烧汁茄字可以话系招牌点心！扎实圆浑嘅茄子，顶部酿左虾胶，烧汁香浓甜甜地，即叫即制好好食！但系今次唔知点解劲多油！最后就系加料！正当我摷开个滑鸡饭，食左几啖，竟然俾我发现呢个外来物，卷状似麻绳，细心睇发现系铁线，真系好痴线，可能见我唔够铁质挂，个侍应连忙讲唔好意思
每次系沙田做完gym都会经过呢间点点心，开头系我老母带我黎，前前后后都帮衬左十几廿次，d出品其实系ok嘅，有时会好过酒楼，但水准就飘忽d，今餐系唔好食之余仲好唔好彩加左料！
茶钱$6位，点心廿几到三十，要食得饱人均$60左右，比较多内地人同游客食。
饭系最稳阵
细个食菠萝包以为真系有菠萝，原来只不过个样似菠萝，实际系无嘅。而呢到嘅真。菠萝包就真系放番菠萝果肉入去，味道一般，而且唔似添好运咁即叫即焗！
呢个烧汁茄字可以话系招牌点心！扎实圆浑嘅茄子，顶部酿左虾胶，烧汁香浓甜甜地，即叫即制好好食！但系今次唔知点解劲多油！
最后就系加料！正当我摷开个滑鸡饭，食左几啖，竟然俾我发现呢个外来物，卷状似麻绳，细心睇发现系铁线，真系好痴线，可能见我唔够铁质挂，个侍应连忙讲唔好意思然后收左个饭，换过个俾我，事后谂番我真系太仁慈，不过算啦，应该以后唔会再番黎食！都好嘅，做gym行过又可以少个心瘾！
张贴
