影片
更多
2017-07-12
2313 浏览
今日老友生日, 约左佢系铜锣湾食生日饭。铜锣湾好多餐厅我地都已经去过, 今次系Openrice揾到呢间好评如潮嘅阿麦厨房同佢庆祝生日。阿麦厨房其实早几年都听朋友介绍过, 不过一直未去过, 原来阿麦厨房系位于加路连山道, 呢度除左以前学车之外, 平时都冇乜机会行过。我地两个都系放6点钟, 所以订左7点钟枱, 虽然去到时间尚早, 不过食客都开始陆续入场, 比其他食店更早爆满。阿麦厨房唔算好大间, 好快就坐满人, 好彩我地有订位。其实间餐厅食物同装修风格, 配佢嘅英文店名"MACKIE Kitchen"较多。😂Set dinner包括主菜, 前菜, 餐汤同饮品。价钱百几二百蚊, 比我预算更平。因为系请老友食生日饭, 所以前菜同餐汤我都加钱upgrade左。😙前菜我各加左$58升级至香煎法国鹅肝配焦糖酒醋蓝莓同大虾占米多。法国鹅肝油份超丰富, 油份慢慢溶入口中, 好正。除此之外焦糖酒醋蓝莓亦非常出色, 酒味唔浓, 但蓝莓吸收左焦糖嘅甜味, 香甜而且清新, 完全配得上同鹅肝一齐登场。👍大虾占米多的虾肉已预先起出切开, 虾肉爽口弹牙, 配搭虾肉嘅材料非常入味, 尤其系洋葱粒, 吸收哂酱汁同虾肉嘅精
阿麦厨房其实早几年都听朋友介绍过, 不过一直未去过, 原来阿麦厨房系位于加路连山道, 呢度除左以前学车之外, 平时都冇乜机会行过。我地两个都系放6点钟, 所以订左7点钟枱, 虽然去到时间尚早, 不过食客都开始陆续入场, 比其他食店更早爆满。
阿麦厨房唔算好大间, 好快就坐满人, 好彩我地有订位。其实间餐厅食物同装修风格, 配佢嘅英文店名"MACKIE Kitchen"较多。😂
Set dinner包括主菜, 前菜, 餐汤同饮品。价钱百几二百蚊, 比我预算更平。因为系请老友食生日饭, 所以前菜同餐汤我都加钱upgrade左。😙
前菜我各加左$58升级至香煎法国鹅肝配焦糖酒醋蓝莓同大虾占米多。
法国鹅肝油份超丰富, 油份慢慢溶入口中, 好正。除此之外焦糖酒醋蓝莓亦非常出色, 酒味唔浓, 但蓝莓吸收左焦糖嘅甜味, 香甜而且清新, 完全配得上同鹅肝一齐登场。👍
香煎法国鹅肝
36 浏览
1 赞好
0 留言
焦糖酒醋蓝莓
37 浏览
0 赞好
0 留言
大虾占米多的虾肉已预先起出切开, 虾肉爽口弹牙, 配搭虾肉嘅材料非常入味, 尤其系洋葱粒, 吸收哂酱汁同虾肉嘅精华。😂
大虾占米多
23 浏览
0 赞好
0 留言
Upgrade汤款有两个选择, 由于两个都咁吸引, 我地决定各点一个Share比较一下,结果味道不分上下。黑松露菌忌廉汤上枱时我地都好惊喜, 黑松露非常多, 未饮味道已经传到鼻腔, 入口啖啖黑松露味。蟹肉南瓜忌廉汤亦唔输蚀, 南瓜汤南瓜鲜甜味突中, 入口细滑, 材料亦丰富, 好多南瓜丝同蟹肉。😄
黑松露菌忌廉汤
11 浏览
0 赞好
0 留言
蟹肉南瓜忌廉汤
26 浏览
0 赞好
0 留言
香煎带子配黑松露野菌意大利饭非常出色, 带子熟度刚刚好, 入口软腍之余亦富有弹性, 不过由于个黑松露野菌意大利饭实在太好味, 带子顿时成为配角。🙈意大利饭非常Creamy而且黑松露味好浓郁, 配搭露笋同野菌, 口感丰富, 略略带甜, 美味之余亦唔腻。下次同老婆黎一定要点呢个俾佢试。😍
香煎带子配黑松露野菌意大利饭
24 浏览
0 赞好
0 留言
另一主菜德国式烧咸猪手上枱时我地都吓左一跳, 冇谂过一人餐嘅猪手份量会咁大, 薯条亦好多, 有少少参加竞食大赛嘅感觉。😂好彩我同老友都系食得之人, 最后都可以食得干干净净。😳
猪手唔会太咸, 猪皮胶质好丰富, 肉质好软腍, 配搭嘅汁酱好醒胃。另外薯条都好好味, 所以我地先可以顺利完全任务K.O.左佢。✌
德国式烧咸猪手
18 浏览
0 赞好
0 留言
餐饮选择Cappuccino唔驶加钱, 竟然仲附送立体拉花, 咁样我点可以唔带老婆黎再食呢。🙈
Cappuccino
17 浏览
1 赞好
0 留言
埋单每位300几, 完全比我预算平之余, 老友亦好满意呢餐生日饭。🎊
张贴
