影片
更多
2021-11-18
371 浏览
有咩平靓正鸡煲推介？首选至尊云吞面鸡煲啦，有另一间个名好似嘅唔好搞乱，呢间系唔使额外加钱都可以无限加鸡呀。全新装修过嘅屯门店好光猛，灯色柔和左，店内仲超强冷气，打边炉冷气够真系好重要！晚饭时段实在太多人，所以早啲黎食下午茶，鸡煲火锅系全日供应㗎，平日$158位，假日多十蚊，鸡煲，奶茶、咖啡、柠茶、汽水都任饮，食完鸡仲可以加汤打边炉，真心平到笑系列黎。先黎个重庆鸡煲小辣，唔系样样煲都可以‘添，要留意啦～重庆煲就可以加鸡。鸡件入味，麻麻辣辣好过引，小辣啱我地口味，加上鸡件切得工整无碎骨，啖啖食好正。朋友超爱鸡煲，一煲又点会够喉，最后我地加左三次鸡先停手，好味好味。食完鸡又去打边炉先，唔少得叫埋呢度名物炸馒头，新鲜炸起外脆内软，最正系炼奶呀！食左咁多鸡食返啲菜先，叫左羽衣甘蓝。其他火锅料～个人觉得个肥牛韧咗啲，不过呢个价收货啦。墨鱼丸，午餐肉，莴笋，杂菇都好味，仲有油炸鬼都好正。汤底无得拣，一般猪骨汤？个煲本身有鸡煲个汁，所以辣辣地几好味。而且个炉火力十足，劲快就滚，完全唔使等。可以无限饮柠茶真系好正，大大杯又够冻，茶底香。柠茶都饮左三杯，哈哈。三转鸡煲三杯柠茶好满足，仲添左几次炸馒头㗎，呵
全新装修过嘅屯门店好光猛，灯色柔和左，店内仲超强冷气，打边炉冷气够真系好重要！
晚饭时段实在太多人，所以早啲黎食下午茶，鸡煲火锅系全日供应㗎，平日$158位，假日多十蚊，鸡煲，奶茶、咖啡、柠茶、汽水都任饮，食完鸡仲可以加汤打边炉，真心平到笑系列黎。
先黎个重庆鸡煲小辣，唔系样样煲都可以‘添，要留意啦～重庆煲就可以加鸡。
鸡件入味，麻麻辣辣好过引，小辣啱我地口味，加上鸡件切得工整无碎骨，啖啖食好正。
朋友超爱鸡煲，一煲又点会够喉，最后我地加左三次鸡先停手，好味好味。
食完鸡又去打边炉先，唔少得叫埋呢度名物炸馒头，新鲜炸起外脆内软，最正系炼奶呀！
食左咁多鸡食返啲菜先，叫左羽衣甘蓝。
其他火锅料～个人觉得个肥牛韧咗啲，不过呢个价收货啦。
墨鱼丸，午餐肉，莴笋，杂菇都好味，仲有油炸鬼都好正。
汤底无得拣，一般猪骨汤？个煲本身有鸡煲个汁，所以辣辣地几好味。而且个炉火力十足，劲快就滚，完全唔使等。
可以无限饮柠茶真系好正，大大杯又够冻，茶底香。
柠茶都饮左三杯，哈哈。三转鸡煲三杯柠茶好满足，仲添左几次炸馒头㗎，呵呵～
张贴
