陶園燒臘飯店 (已結業)

今日收工去尖沙咀攞返少少嘢，顺便行一行佐敦一带，忽然醒起有个同事讲过附近范围有间烧腊档几出名，即刻问一问佢，原来就系「陶园烧腊饭店」，位置距离地铁站大约2-3分钟路程，方便易揾够晒就脚。除咗烧腊之外，仲有好多唔同嘅卤水，望落相当吸引！餐厅有旧式手写餐牌，而家真系买少见少～烧鹅呢日叫咗新鲜热辣嘅靓烧鹅，买到返屋企仲有少少温度，外皮够晒香脆，肉质香嫩，一啖咬落去仲有啲肉汁溢出，够晒过瘾！叉烧今次叫咗瘦叉，烧得好靓仔，唔会太干太柴。以往后生多数食半肥瘦叉，不过而家上咗少少年纪，开始注重健康就会叫瘦叉，食落健康少少！呢到嘅烧味性价比果然唔错，难怪我只系等咗几分钟，已经见到唔少街坊过嚟斩料加𩠌，人气唔错啵！