快靚正燒味粉麵茶餐廳 (已結業)

黎开哩头买𩠌，煮饭俾妈食庆祝佢生日，经过哩度斩左d烧味，就算我煮果d唔好味，都有𩠌丫🤣好近西九龙中心，个招牌吸睛离远都见到。价钱标明喺当眼处，我妈中意食烧腩仔，爸中意食油鸡，一人一味啦。见到d烧味干净企理，隔住玻璃都觉得好正。烧腩仔皮好脆呀，肉爽，肥瘦岩岩好，未开饭前都忍唔住偷食一件。叉烧都好食，有惊喜，有蜜味，个边烧到脆，半肥瘦，好食过好多间烧味铺。油鸡半只都好大盒，好入味，店员仲俾多盒姜葱俾我，好友善。