影片
更多
2012-10-03
272 浏览
晌钻石山坟场完咗扫墓（只喺骨灰龛），都会同家人食埋晏先散水。基本上唔会刻意揾边间嚟食，都喺随意，今次去咗旧巴士总站附近嘅叙苑，粉面茶餐厅，乜都有。虽然我哋有成4个人，不过细妹话食完早餐无耐，所以我哋就叫三个餐，加多碟通菜！佢哋分咗一个正价餐牌，一个每日超值快餐餐牌，仲有一个下午茶特价炒粉面餐餐牌。原先见未够钟，所以都无睇过个下午茶餐餐牌，只喺揾番啱口味嘅炒粉面就算，所以晌正价餐牌拣咗星洲炒米同干炒牛河，再喺每日超值快餐点一碟咖喱牛腩饭。到落单时，阿姐话：「你点星米、干牛河不如要下午茶特价炒粉面餐，一样有依两款嘢，平啲仲包嘢饮，时间差少少做埋俾你啦，都无所谓，不过份量就细啲啲。」个阿姐又几好人㖞，唔知被佢老细听到会唔会唔多高兴呢，因为可能做少人十零蚊生意。咖喱牛腩饭 $32如果喺正价嘅话，就要卖$32，加$7有杯热饮，加$10先有杯冻饮。依家因为喺每日超值快餐，只卖$33，份量跟正价一样，仲跟埋杯热饮。个咖喱牛腩有青椒，又有红椒、洋葱，我就觉得有啲似生炒牛腩饭，再淋上咖喱汁。牛腩几腍几滑，咖喱比较港式，只有咖喱味同辣味，无乜其他香味，算OK。星洲炒米 $28下午茶特价炒粉面餐，每次有3款
佢哋分咗一个正价餐牌，一个每日超值快餐餐牌，仲有一个下午茶特价炒粉面餐餐牌。原先见未够钟，所以都无睇过个下午茶餐餐牌，只喺揾番啱口味嘅炒粉面就算，所以晌正价餐牌拣咗星洲炒米同干炒牛河，再喺每日超值快餐点一碟咖喱牛腩饭。到落单时，阿姐话：「你点星米、干牛河不如要下午茶特价炒粉面餐，一样有依两款嘢，平啲仲包嘢饮，时间差少少做埋俾你啦，都无所谓，不过份量就细啲啲。」个阿姐又几好人㖞，唔知被佢老细听到会唔会唔多高兴呢，因为可能做少人十零蚊生意。
咖喱牛腩饭 $32如果喺正价嘅话，就要卖$32，加$7有杯热饮，加$10先有杯冻饮。依家因为喺每日超值快餐，只卖$33，份量跟正价一样，仲跟埋杯热饮。个咖喱牛腩有青椒，又有红椒、洋葱，我就觉得有啲似生炒牛腩饭，再淋上咖喱汁。牛腩几腍几滑，咖喱比较港式，只有咖喱味同辣味，无乜其他香味，算OK。
星洲炒米 $28下午茶特价炒粉面餐，每次有3款，平日卖$28，包嘢饮，星期六日假期就加多$1，初时无为意，仲以为阿姐佢计错数，认真唔好意思。星洲炒米炒得个样似模似样，无话喺下午茶特价嘢就「求求其」，材料有虾、叉烧、蛋块，味道唔错，份量估计大概都喺少两乘左右，都算抵食！
干炒牛河 $28另一款下午茶特价炒粉，炒功都有啲功架㖞，河粉炒得「匀巡」，条条河粉上晒色，不过就例牌炒得都系油啲，而且牛肉偏少，真喺成本控制一切。
腐乳通菜 $12腐乳通菜几时都喺食粉面时嘅首选之一，不过乎因为腐乳质柔味浓，通菜梗爽叶嫩。
红豆冰餐饮加$3就可以转红豆冰，咁抵当然要试试。哗！果然真喺抵饮，因为红豆半杯有多，豆腍又甜，正。
张贴
