嘆嘆 (裝修中)

中秋节翌日假期， 咁啱去到黄大仙北馆见到呢间餐厅唔系太多人， 就行埋去问下佢有冇位， 跟住门口𠮶位后生仔话，暂时未有等一等， 咁好啦，见得一台客喺度等紧应该好快有， 所以我企埋一边等。 等咗唔够一阵间有第二个客人同第三个客人嚟问， 𠮶个后生仔竟然叫佢哋去另一边排队， 我心谂我嚟先你唔叫我排队， 就咁叫我等等。 最终如我所料 ，所有有排队嘅人入晒去先到我。 入咗安排极度令人失望，门口𠮶位后生仔仲要若无其事， 直到我再开口问先话下张到我。 跟住入去坐低， 叫嘢食系qr code自助落单， 我朋友点咗铁路便当，份量都ok， 不过最多系盐酥鸡， 炸得比较脆口， 食得多容易口干。 另外 叫咗一个套餐，一百零几蚊，包一杯嘢饮， 一个虫草花鸡肉汤面， 味道就麻麻，不过呢个价钱接受到。 最后留意到原来铁路便当有两个选项一个系有特价一个系冇， 最终埋单拣咗冇特价𠮶个就变返正价，又系果个后生仔同我讲话你唔拣特价𠮶个就冇㗎喇。 我都费事同佢争论， 以后冇下次， 有乜理由特价产品唔系喺菜单上面直接减咗，要喺另一个特价位度拣。 仲有就系一个卷饼可以50分钟都上唔到， 呢个我当你人多出得慢啲，所以我取消咗唔要。