更多
2023-10-11
317 浏览
本来都已经听闻过呢间嘢好难食,但系打完风个人好懒所以都系落街买外卖谂住试下伏,点知遇到有生以来最差嘅外卖体验。🤮本来等咗半个钟外卖已经有啲躁底,但系都好声好气问门口个短头发阿婶有无漏到我张单,点知佢就黑口黑面答我话我无落单😅话无印象我有嗌嘢食咁我就躁躁哋,开返电话同佢讲我有八达通俾钱记录同时间,佢先死死地气入去厨房帮我跟😅点知。。。俾我见到原来成个外卖摆咗喺厨房隔离张台冇人拎出嚟😅原来我无落单但系个外卖系会自动ready咗🥲拎出嚟仲要sorry都无句就走咗。你无服务唔紧要,起码要好食啊。你唔好食唔紧要,起码价钱平啊。你价钱贵唔紧要,起码速度快啊。但系你三样都无, 就。。。谷气
张贴