老媽拌麵 (奧海城三期)

营业中

休息中

呢间连锁店分店唔少，成日都见到人流唔少；呢日夜晚见唔洗等位，又一直未试过，一于入去试下，职员安排坐卡位都几阔落。点知原来系恶梦既开始，呢一餐绝对系我呢一年食过最难食既劣食！🐷金华火腿干贝花雕鸡汤面 $88呢个面一黎到我觉得卖相麻麻，望落去唔多吸引。饮一啖汤，有少少花雕酒味，另外就系咸味，个汤超咸。另外鸡好重雪味，而且好鞋。面底拣左关庙刀削面，呢个面又系奇差，个面煮到好腍，一夹起就断甘半，一放落口唔洗咬都融，无牙都食到👎🏻👎🏻👎🏻👎🏻👎🏻🐷清炖半筋半肉牛肉面 $78呢个牛肉面上台卖相几好，有牛腱同牛筋，面底拣左幼面。清汤饮落口系极咸，我即刻倒左一杯水落去碗面，加左水就还好。萝卜唔腍唔入味，咬落有筋。牛筋同牛腱普通；唯一要赞既系幼面面底唔错，如果汤头好既呢个面饼应该会几好食，但可惜汤头真系好差,同埋呢餐食完好口渴，即系味精极多👎🏻👎🏻👎🏻 🐷老妈黑糖珍珠鲜奶茶 $36呢杯系全餐最好既餐点，奶茶唔会话好甜，当然唔好期望佢会好浓茶味；珍珠偏甜但都算有咬口；普普通通一杯台式珍珠奶茶，$36蚊再加一就真系好贵，完全唔值。