港囍冰室

营业中

休息中

同屋企人谂住过嚟食下午茶，点知食到成肚气，态度差之余，成间嘢整体真系好一般，先唔讲啲嘢几难食，XO酱公仔面炒猪扒，成旧嘢系黐埋一pat野，啲猪扒完全系松肉粉嘅口感，仲要唔知点解系红色粉红色咁，完全唔知食紧啲乜嘢？？？牛丸拼鱼蛋河仲好笑，大佬呀已经系好平价嘅食物，啲牛丸仲要完全系化学咁嘅感觉，咬落去个质感同平时𠮶啲完全唔关事，超级淋，味道仲有阵胶味最搞笑就系，本身赶时间就特登冇叫到佢已经注明左要等15分钟嘅焗餐，结果食完炒公仔面同埋个鱼蛋河，中途仲要追过一次单，伙计认咗一声就走咗，去到最后食晒啲嘢先同我上星洲炒米，同枱嘅人全部都食晒，杯嘢饮就嚟饮晒，咁我唯有同佢讲取消，结果收我杯嘢饮钱？你𠮶餐都冇注明到要等15分钟，再加上隔篱枱迟过我哋入座个餐都到咗，最后同我讲星洲炒米要即刻炒，所以要等，所以XO酱炒公仔面猪扒系唔使炒？前者3分钟就到咗，后面𠮶个成枱食晒都未到，最后仲要同我讲要收返杯嘢饮钱，$24一杯冻柠茶？真系可一不可再，完全系㓥游客，态度差之余，啲嘢食难食到hihi，全部系化学味道，虽然旅游区唔算贵，但系完全系贴钱买难受，入去食真系谂清谂楚。