阿芳上海餛飩 (已結業)

聽同事講呢度有個好似澳洲牛奶公司咁的茶餐，於是去試一試。唔試猶自可，一試把幾火！首先個餐要成三十蚊，ｏｋ，呢頭食野係差唔多呢個價。但首先跟餐果杯頭漿又細到嘔，真係兩啖就清得晒！如果要轉茶啡之類，不論冷熱都要加兩蚊！有冇搞錯！？杯凍奶茶仲要連糖都唔記得落的，水吧有冇心機做野架！？個餐本身仲有一個叉燒通粉跟，呢點又係學足澳洲牛奶公司。弊在個份量得人地一半呢！又要整得淡貿貿咁！唯一入得下口的得個炒蛋，呢三十蚊你話俾得幾唔抵！！！我決定永久將呢間野列入黑名單！！！！！