阿芳上海餛飩 (已結業)

听同事讲呢度有个好似澳洲牛奶公司咁的茶餐，于是去试一试。唔试犹自可，一试把几火！首先个餐要成三十蚊，ｏｋ，呢头食野系差唔多呢个价。但首先跟餐果杯头浆又细到呕，真系两啖就清得晒！如果要转茶啡之类，不论冷热都要加两蚊！有冇搞错！？杯冻奶茶仲要连糖都唔记得落的，水吧有冇心机做野架！？个餐本身仲有一个叉烧通粉跟，呢点又系学足澳洲牛奶公司。弊在个份量得人地一半呢！又要整得淡贸贸咁！唯一入得下口的得个炒蛋，呢三十蚊你话俾得几唔抵！！！我决定永久将呢间野列入黑名单！！！！！