小肥羊

营业中

休息中

1. 服务员严重不够，经验不足，场面混乱成个场得几个服务员，落单要叫好多次先有人应，而且睇得出服务员之间协调不足，明明有啲枱已经埋咗单都仲以为有嘢食要送过去，嘢食又唔知送去边张枱送错哂。𠮶日去8点落单，去到9点都仲有嘢食未嚟，仲要咁迟先同我地讲个有样嘢冇哂要我地转第二样或者取消。2. 食物质素一般，收费略贵𠮶日因为见到有优惠做紧送碟$208嘅羊先试下，但肉类水准一般，份量亦偏少，而且酱料费要成$15一位真系太贵。个招牌汤底系药膳汤底但觉得冇乜味，但个汤底要$118实在唔值呢个价。仲有叫极服务员俾水都冇攞嚟，但嘢饮偏贵冇叫到，所以食完焗住要自己买嘢饮😅总括而言呢个价钱得咁嘅服务同食物水准就一定唔会再嚟。