華立茶餐廳

营业中

休息中

劫后余生，等左五个钟终于逃离中环返到大埔，食个早餐先返屋企休息。1 点 call 的士等到 4 点都无的士，谂住搭街车，点知所有的士都㩒旗拣客，把鬼火行去搭地铁转火车好过！6 点几终于抵达华立啰。热奶茶，清晨好鬼冻，饮杯香滑奶茶暖暖身先。火腿奄烈，有蛋汁既火腿奄烈，不过块蛋皮老啲啰，似蛋皮包火腿丝，味道都唔错。沙嗲牛肉即食面，我最喜爱的沙嗲牛伊面，由细到大都非常支持，因为汤底浓、伊面又弹牙滑溜、牛肉有咬口，够晒分啦，仲想点？唯有华立！朋友仔食唔晒个早晨全餐，分多两块火腿过我，临瞓食太多喇麻。依我一贯既食法，辣椒渣捞面，微辣带微香，味道偏沉，合格既。