古早牛肉麵 (已結業)

今次嚟到呢一间位于深水埗装修非常有旧台湾风情嘅牛肉面店，一入到去见到有台式茶饮店水吧。墙上面挂住唔同关于台湾人物事嘅画作，装修非常之别致。唔知点解好多台式餐饮店都钟意客人自己写餐牌落单，旺角好出名𠮶间阿木同埋呢间都一样。不过都真系几有效率。呢日5:00嚟到冇等咗唔使2分钟嘢食就陆续上台。半筋半肉台湾面先饮啖汤，汤底有少少麻香味，牛筋同埋牛肉嘅数量都多，牛筋非常淋非常入味。面嘅质地偏淋身。凉拌青瓜酸酸地几开胃，不过同喺川菜嘅凉拌青瓜有啲唔同就系冇辣椒，所以唔辣。无糖乌龙茶健康消暑饮品。通常见到其他人有点佢嘅芋圆甜品，下次嚟都可以试吓。