影片
更多
2020-06-22
135 浏览
一直都想试呢间灯笼卤味，奈何成日排长龙，今日终于捉到个人陪我一齐排队，大概7、8分钟就入座。舖头𥚃面分上下层，我哋坐上层，喺正个招牌隔离，而店入边就播住台湾出名嘅流行曲，即时觉得好好台湾风味😆一坐低就急不及待点餐，我拣咗最钟意嘅冬粉，另外加咗鸡翼同高丽菜，朋友叫咗出前一丁、甜不辣、鱼片头、大陆妹(即系生菜😂)、鹌鹑蛋、翠肉瓜，另外我哋仲嗌咗个台式香蒜肠，加埋两支冷泡乌龙茶。先来个乌龙茶，一饮落口即刻感受到个甘香，而且够晒冻，排队排到热辣辣，一饮即刻透心凉🤩。跟住好快就嚟咗两碗主食同台式肠，先讲个冬粉，索晒啲汁非常入味，卤水鸡翼都好淋，话咁易就拆肉离骨，高丽菜爽口清甜，而且份量啱啱好👍🏼朋友𠮶碗多啲𩠌，甜不辣够烟靭，生菜同翠肉瓜索晒啲味但又唔会话浸到黄晒，片头好弹牙，原本朋友麻麻哋钟意食卤味，都成碗食晒，仲话食到舔舔脷，真系排队都抵😍两个人食饱饱，都系$150 ，好味兼抵食，下次都要再来帮衬❤️
舖头𥚃面分上下层，我哋坐上层，喺正个招牌隔离，而店入边就播住台湾出名嘅流行曲，即时觉得好好台湾风味😆
一坐低就急不及待点餐，我拣咗最钟意嘅冬粉，另外加咗鸡翼同高丽菜，朋友叫咗出前一丁、甜不辣、鱼片头、大陆妹(即系生菜😂)、鹌鹑蛋、翠肉瓜，另外我哋仲嗌咗个台式香蒜肠，加埋两支冷泡乌龙茶。
先来个乌龙茶，一饮落口即刻感受到个甘香，而且够晒冻，排队排到热辣辣，一饮即刻透心凉🤩。跟住好快就嚟咗两碗主食同台式肠，先讲个冬粉，索晒啲汁非常入味，卤水鸡翼都好淋，话咁易就拆肉离骨，高丽菜爽口清甜，而且份量啱啱好👍🏼
朋友𠮶碗多啲𩠌，甜不辣够烟靭，生菜同翠肉瓜索晒啲味但又唔会话浸到黄晒，片头好弹牙，原本朋友麻麻哋钟意食卤味，都成碗食晒，仲话食到舔舔脷，真系排队都抵😍
两个人食饱饱，都系$150 ，好味兼抵食，下次都要再来帮衬❤️
出前一丁+翠肉瓜+鱼片头+鹌鹑蛋+甜不辣+生菜
$59
13 浏览
0 赞好
0 留言
冬粉+鸡翼+高丽菜
$29
22 浏览
0 赞好
0 留言
台式香蒜肠
$26
23 浏览
0 赞好
0 留言
冷泡乌龙茶
$18
20 浏览
0 赞好
0 留言
张贴
