越粵棧

营业中

休息中

餐厅环境系好有历史既感觉，全单免加一，但每位员工对所有客人既服务都系一百分，价钱同食物份量亦都系一百分。虽然有个越字，但佢地既餐牌选择非常之多，如果一大班人黎食，绝对抵食同一定可以食到好多唔款。大大大推~霸王鲜鱿 ❤ 必点 鲜鱿够新鲜爽口弹牙，份量非常之多，底下有炒香过既芽菜，食起黎唔会有草味，仲有清爽既口感，而且本身仲有蒸鱼豉油系底，鲜味十足。蒜蓉炒通菜 ❤ 一D都唔油腻，通菜唔会炒得过老，蒜蓉好香口，大大碟!腊味芥兰 ❤ 有腊肠同腊肉，劲香，食十碗饭都冇问题~! 小小油，但真系好香口，芥兰爽甜零苦味，正~西兰花炒斑球 ❤ 斑球份量正常，走过油，所以食起黎外小脆入面劲软嫩!!! 唔系一般果D鱼柳黎。孜然鸡翼 ❤ 孜然如果可以再浓味D就更好了，炸得香脆劲可口，会忍唔住食完一只又一只...