影片
更多
2019-03-16
464 浏览
平时好少过海，今日同老婆去完大埔踩单车，我地两个都超饿，好想食d 任食既类似自助餐既晚饭！系Openrice 见到呢间系新开，任食之余仲可以一边打边炉一边铁板烧！好正！即刻决定食呢间！我地6点就去到，可能太早，餐厅无乜人。本身惊惊地会唔会好伏，点解无人。但最后系超级惊喜佢地有几个餐比你拣，每个价钱都唔同，大约$100-$3xx, 我地拣左个中间，每人$248 又有打边炉又有铁板烧拼盘，任饮任食！餐厅都几大，张枱好大张坐得好舒服。楼底够高，唔会觉得入面好焗好油烟。坐坐下都越黎越多人入黎。打边炉汤底我地拣左麻辣猪骨汤，够麻又够辣，食得辣先好叫！火锅配料系自己出去自助既，另外有个QR code 比你上网任叫，好cyber!!! 配料选择唔算好多，但你会觉得够晒食，因为仲有个铁板烧。同埋竟然有田鸡！！我同老婆都好钟意食田鸡！叫左几转，好滑好正铁板烧个拼盘劲多，有大扇贝，芝士大啡菇，大判烧等等，有两条蟹柳条真系好好好好食，烧完后个皮烟烟韧韧咁！扇贝上面佢放左劲大旧松露酱！好香口好好食！！其实佢地个酱料Bar 好多款酱，竟然有埋松露酱！！痴线的，2百几蚊佢搞到咁豪，唔知佢点赚。我见隔离枱食另一个餐
我地6点就去到，可能太早，餐厅无乜人。本身惊惊地会唔会好伏，点解无人。但最后系超级惊喜
佢地有几个餐比你拣，每个价钱都唔同，大约$100-$3xx, 我地拣左个中间，每人$248 又有打边炉又有铁板烧拼盘，任饮任食！餐厅都几大，张枱好大张坐得好舒服。楼底够高，唔会觉得入面好焗好油烟。坐坐下都越黎越多人入黎。
打边炉汤底我地拣左麻辣猪骨汤，够麻又够辣，食得辣先好叫！火锅配料系自己出去自助既，另外有个QR code 比你上网任叫，好cyber!!! 配料选择唔算好多，但你会觉得够晒食，因为仲有个铁板烧。同埋竟然有田鸡！！我同老婆都好钟意食田鸡！叫左几转，好滑好正
铁板烧个拼盘劲多，有大扇贝，芝士大啡菇，大判烧等等，有两条蟹柳条真系好好好好食，烧完后个皮烟烟韧韧咁！扇贝上面佢放左劲大旧松露酱！好香口好好食！！其实佢地个酱料Bar 好多款酱，竟然有埋松露酱！！痴线的，2百几蚊佢搞到咁豪，唔知佢点赚。我见隔离枱食另一个餐，大大只龙虾，佢个餐都系$248..... 真系好抵！！服务更加系一流！我地又打边炉又铁板烧其实好忙，佢地有个staff 成日走过黎帮我地手烧，好贴心
好耐无写食评，又见到呢度新开，一个食评都无，同老婆都觉得值得一写
张贴
