心粥館 (已搬遷) 新店位置

星期日晚（５－８－２００７）８点几９点去食晚饭，咩种类的食物都叫左d，粥粉面、炒小菜都OK。服务员的质素都几好。叫左两杯所谓既”精选饮品”，鲜窄芒果汁同鲜窄西瓜汁，但完全不知所谓，一d都唔似鲜窄啰，同饮糖水冇分别，同呃钱冇分别！！之后叫左个热芝麻糊，好似浆糊咁，一"PAT PAT"，叫人点食呀！换左碗椰汁西米露，以为会好Ｄ啦，点知仲衰，碗野成碗臭口水咁，完全令人难以接受！！果位水吧员完全系唔识整野既，咁既饮品、甜品都整得出，绝对系"劲"啦！！唔怪得知心粥馆要请佢啦，原来系"人才"黎既。讲真，D食物几好都冇用啦，俾d咁既质素既饮品、甜品影响晒，叫人点再去帮衬呀！唔好话我身为香港人唔去丫，间舖开系酒店下面，完全影响晒香港既声誉呀，d旅客都唔敢再黎香港消费呀！