殿·大喜屋

营业中

休息中

未食过呢间分店，位置一流，港铁站直到～前菜任食、甜品任食、清酒同其他饮品都好多，个软雪糕同软糖嘅corner，细路仔见到实好钟意～刺身例如赤虾、赤背、北海道带子、池鱼王、金䲝鱼腩、油甘鱼、三文鱼，都好新鲜，尤其是𫠒红鱼薄切沾一沾柚子醋，薄薄一片已经好鲜味。三文鱼够晒肥美，而且切得好厚，每块都食得好满足。仲有熟食其实都好精彩，当中有出色烧得好香嘅烧乳鸽、酒楼都要卖三、四十蚊嘅椰皇燕窝炖蛋白、肥美嘅清酒煮蚬、惹味嘅芝麻鸡翼、西京比目鱼、大大条海参嘅花胶海参瑶柱鱼翅羹、蒲烧鳗鱼、抵食避风塘炒蟹、肥厚嘅川烧珍宝鲜蚝。仲有其他小食例如花雕脆鲍鱼、冰镇花海蜇都几好食。最突破系三百几蚊嘅放题，竟然有任食鲟鱼子酱同日本海胆，叫咗个海胆拖罗黑松露带子寿司，真系超级鲜味，劲回本。