鳳城酒家 (已結業)

昨天去了闻名已久的旺角凤城，一行７个大人，叫了个７－８人套餐再加。套餐有下列菜：乳猪并生肠叉烧－乳猪脆皮，生肠爽口，叉烧麻麻。金银贝冬茸羹－有瑶柱带子加冬瓜丝，几清。　　家乡桂鱼卷－碟头细，几好味但唔够食。脆皮鸡－劲脆皮，有鸡味，赞！锅贴大明虾－唔油，但唔特别。婆参扣鹅掌－婆参几厚身，鹅掌略少，生菜底。甜品－红豆沙，不太甜，几好味。另外再加下列菜（因份量不够食）：炸粉果－味道一般，粉皮略厚。杨州炒饭－炒饭干身，唔错。西米焗布甸－好大兜，有莲蓉馅，热食劲好味。埋单要HK$1200，唔平但可接受。侍应服务态度不错。