華記小廚 (已搬遷) 新店位置

是日一家人落街食饭，谂住近近地就来左e间屋企附近嘅小舖。位置方面距地铁站都唔系话近ga，大概十分钟路程。入到舖头第一感觉都尚算干净，楼面a姐都好快手咁带我地埋位坐低。值得一提系张凳，坐得几舒服喔，皆因距d海绵做得几厚，又有挨背。同埋间野原来免茶介免加一。 菜单好多小炒选择，几页纸，有川菜，台湾菜同粤菜小炒，我地order左两个凉拌菜，分别系凉拌窝笋丝，凉拌海蜇，口味酸甜好开胃，窝笋丝系手工切的，应该都好考刀工。 跟住系酸菜桂花鱼，鱼片好滑，有酸笋做底，好嫩口，劲多嘅酸菜丝！干煸法国长豆，好惊喜嘅口味，法国长豆炸得个面好香脆，里面又留返有豆既甜味，超级钟意e个。仲有系日本南瓜，都好香甜，南瓜味道好浓郁，连埋皮一齐炸过，无多余水分，食起来又有南瓜皮嘅咬口系度，好得意。小朋友都好钟意食XDXD。 后面就系姑姐好钟意嘅碌鹅，个汁搭配得好好，唔会口味太重。ps：食到中间先记得影相，哈哈