影片
更多
2019-08-19
159 浏览
依兩個月，社會同公司氣氛都唔好，聽不少朋友都想移民，大家都憂心忡忡，好似無咩將來。作為朋友可以做都只係同你食D甜野聽你分享，舒解一下悶悶不樂的氣氛。今日就去左黃大仙環鳳街的大街小館, 晚飯後九點十點都有幾多人幫襯，越夜越旺場。小店唔係好大, 要食就早D到。椰皇蛋白燉桃膠係推介俾朋友的必點dessert，另外再叫兩款一冷一熱，齊齊分享。 椰皇蛋白燉桃膠 首先呢個椰皇蛋白燉桃膠製作得有心思, 出面街普遍只有椰皇燉蛋白, 加埋桃膠、西米同小丸子就將成個椰皇的level 升左。以桃膠做甜品程序繁複D、營養價值又高D, 功效又媲美燕窩, 燉蛋白口感滑溜, 熱辣辣gam 上檯, 更加唔可以錯過清甜好味的椰皇肉, 食完更有種甜蜜的感覺。 榴槤至尊 一大碗包含好多食材，有榴槤雪糕、涼粉、D24榴槤肉、紅豆西米、黑珍珠（奇亞籽）, 可謂味道同口感每一啖都唔同，D24榴槤肉勁好味不在話下, 既濃且香。 涼粉爽口，西米、黑珍珠勁有咬口, 賣$50真喺物有所值。 芒果窩夫配芒果雪糕 適合朋友情侶點兩份食。芒果窩夫即叫即整熱烘烘，窩夫入口外脆內軟，隨窩夫仲伴上新鮮芒果汁, 香濃杰身, 而且仲有勁多甜
依兩個月，社會同公司氣氛都唔好，聽不少朋友都想移民，大家都憂心忡忡，好似無咩將來。作為朋友可以做都只係同你食D甜野聽你分享，舒解一下悶悶不樂的氣氛。
今日就去左黃大仙環鳳街的大街小館, 晚飯後九點十點都有幾多人幫襯，越夜越旺場。小店唔係好大, 要食就早D到。椰皇蛋白燉桃膠係推介俾朋友的必點dessert，另外再叫兩款一冷一熱，齊齊分享。
椰皇蛋白燉桃膠
首先呢個椰皇蛋白燉桃膠製作得有心思, 出面街普遍只有椰皇燉蛋白, 加埋桃膠、西米同小丸子就將成個椰皇的level 升左。以桃膠做甜品程序繁複D、營養價值又高D, 功效又媲美燕窩, 燉蛋白口感滑溜, 熱辣辣gam 上檯, 更加唔可以錯過清甜好味的椰皇肉, 食完更有種甜蜜的感覺。
榴槤至尊
一大碗包含好多食材，有榴槤雪糕、涼粉、D24榴槤肉、紅豆西米、黑珍珠（奇亞籽）, 可謂味道同口感每一啖都唔同，D24榴槤肉勁好味不在話下, 既濃且香。
涼粉爽口，西米、黑珍珠勁有咬口, 賣$50真喺物有所值。
芒果窩夫配芒果雪糕
適合朋友情侶點兩份食。芒果窩夫即叫即整熱烘烘，窩夫入口外脆內軟，隨窩夫仲伴上新鮮芒果汁, 香濃杰身, 而且仲有勁多甜度甚高的芒果粒, 好似黃金一樣gam 靚! 值得再翻兜。
张贴
