Mr. K Pizza N Chicken (已結業)

睇吓个menu炸鸡都有成十种口味，pizza 有分「芝加哥」「手工」两种，特别要一提系钟意食芝士嘅朋友推荐你哋食「芝加哥」，因为系劲鬼多芝士！成个批夹心都系芝士！😍OMG「肉食狂人」芝加哥Pizza哗！真系劲多劲多配料有烤鸡烤猪火腿烟肉……，切落去再拉丝出嚟，芝士多到不得了，佢哋用咗double嘅水牛芝士。然后个黑糖批边食落都好好味，原来佢哋系用黑麦粉做批底。「蜜糖芥末炸鸡」蜜糖味同芥末味balance得好好，唔会偏重任何一边，酱汁份量又唔会多过龙搞到淋晒同食唔到鸡肉味。鸡肉皮脆肉嫩，咬落仲有肉汁出嚟Good!「荔枝梳打」「蜜桃梳打」食Pizza炸鸡唔少得有气饮品，两杯梳打仲有jelly 食，等食嘅时候都有嘢𡁻吓👍🏻钟意饮啤酒嘅佢哋有五种口味韩国啤酒、黑啤、荔枝味、蜜桃味、青苹果味。